Олунньу 23 күнэ — Аҕа дойдуну көмүскээччилэрин күннэрэ. Бу – биһиги дойдубутугар ураты суолталаах күн. Модун санааны, хорсун быһыыны, Ийэ дойдуга тапталы уонна бэриниилээх буолууну кэрэһилиир. Бу күн биһиги бары дойдубутун дьоруойдуу көмүскээччилэргэ ытыктабылбытын, кинилэринэн киэн туттарбытын биллэрэн, истиҥник махтанабыт. Аҕа дойдуну көмүскээччилэр күннэригэр нэһилиэк түөлбэлэрин икки ардыгар эр дьоҥҥо туочунай спорт көрүҥнэригэр: 1. Бильярдка; 2. Дартска; 3. Буулдьанан ытыыга күрэхтэһии ыытылынна. Ол түмүгүнэн: I үрдэл — «Сыһыы» II үрдэл — «Түмсүү» III үрдэл -«Туску». Ыытыллыбыт күрэхтэһии көрүҥнэрэ: «Ытык Сүбэ» үс көрүҥҥэ үрдүк көрдөрүүлээх кыттааччыга Федосеев Константин Андреевичка анал бэлэхтэрин туттардылар.
