Ахсынньы 4 күнүгэр Сэргэй Борогонскай аат. улуустааҕы библиотека тиһигэр Аҕа дойду Улуу сэриитин кыттыылааҕа, үлэ, сэрии бэтэрээнэ, Саха Өрөспүүбүлүкэтин тыатын хаһаайыстыбатын үтүөлээх үлэһитэ, Хоро нэһилиэгин, Уус Алдан улууһун ытык олохтооҕо, кыраайы үөрэтээччи Николай Алексеевич Орлов төрөөбүтэ 100 сылыгар анаан «Үйэтитэр үрдүк аналлаах…» улуустааҕы научнай-практическай конференция буолан ааста. Барыта үс сиэксийэнэн:
1 сиэксийэҕэ — 9 үлэ (6 оҕо, 3 улахан киһи),
2 сиэксийэҕэ — 6 үлэ (2 оҕо, 4 улахан киһи),
3 сиэксийэҕэ — 5 үлэ (3 оҕо, 2 улахан киһи) кыттыыны ыллылар.
Чараҥтан 5 оҕо, 2 улахан киһи дакылааттарынан кыттан, оҕолорго: Егор Бурцев «Чараҥ бөһүөлэгин уулуссалара» үлэтинэн 1 үрдэли (сал. М.С. Федосеева),
Артем Бурцев 2 үрдэли (сал. Л.В. Мигалкина),
Мира Гуляева «Күүлээйэп аймах хос ааттара» үлэтинэн 3 үрдэли (сал. М.С. Федосеева, М.А. Ханчаева),
улахан дьоҥҥо А.Р. Бурцева
«Чараҥ Сэмэннэрин хос ааттара» үлэтинэн 1 үрдэли ылары ситистилэр. Кыайыылаахтарбытыгар, ситиһилээхтэрбитигэр улахан эҕэрдэ!
Конференцияны К.А. Неустроева аат. Чараҥ библиотека үлэһиттэрэ А.А. Хабарова, Л.С.Бурцева тэрийсэн, И.И. Находкин аат. Чараҥ култууратын киинин үлэһиттэрэ Гаврил Свинобоев, Петр Копырин ырыанан истиҥ эҕэрдэлэрин тиэртилэр.
