Ахсынньы 10 күнүгэр өрөспүүбүлүкэҕэ «Кыһын Саха Сириттэн саҕаланар» Аан дойдутааҕы бэстиибэл иһинэн ыытыллар «Күөх харыйа чаҕыл уотунан умай!» үөрүүлээх түгэҥҥэ оҕолор, төрөппүттэр мустан, нэһилиэкпит сүрүн харыйатын Саҥа Дьыллааҕы уота дьиримнии умайарын көрдүлэр. «Сайдыс» түмсүү кыттыылаахтара оҕолорго анаан «Саҥа Дьыллааҕы күлүм уоттара» көрдөрүүнү туруоран тэрээһини киэргэттилэр. Олохтоох библиотека үлэһитэ Л.С. Бурцева көрдөөх ыйытыктары ыйытан, аттракционнары оонньотон кэлбит оҕолор Тымныы Оҕонньортон, Хаарчаанаттан минньигэс бэлэхтэри тутан тарҕастылар.
