«Оруолларга — Коля Бурцев, Ваня Бурцев» диэн Ылдьаа Нохуоккун аат. Чараҥ култууратын киинин сценатыттан «Манчаары» тыйаатыр устуудьуйата тэриллиэҕиттэн ааттара ааттаммыта. Ини-бии Бурцевтар билигин, Иван Дьокуускайдааҕы, онтон Николай Омскайдааҕы летнай училище устудьуоннара буолаллар. Кинилэр тыйаатыр айымньылаах үлэтигэр кыттан, алыптаах эйгэтин билэ, төрөөбүт тылларын уранын иҥэринэ улаатаннар Чараҥ култуурунай үлэтин сайдыытыгар сэмэй кылааттарын күн бүгүн да киллэрсэллэр. Кинилэр өрүү ситиһиилэрин үллэстэ, «Манчаары» айар-тутар үлэтин билсиһэ сылдьалларыттан, дойдуларыгар кэллилэр эрэ киирэн кэлэллэриттэн, күндү көрөөччү буолан ытыс тыаһын бэлэхтииллэриттэн олус үөрэбит. Бу кыһыҥҥы сынньалаҥҥа кэлэ сылдьан оҕолорбут аны көстүүм тиксэн Саҥа Дьыллааҕы испэктээк сценаҕа тахсарыгар күүс-көмө буоллулар.
