Олунньу 12 күнүгэр Саха сирин дьиҥ олохтоох омуктарын сыдьааннара, түҥ силистээх-мутуктаах эдэр ыччатын «Түҥ Силистэр!» диэн алгыстаах, ураты тыыннаах кэнсиэртэрэ үрдүк таһымҥа ааста. Бу кэнсиэргэ кыттыыны ыллылар: — «Үрдэл» Саха национальнай музыкальнай бириэмийэ 3 төгүллээх Лауреата, элбэх ырыа ааптара, @fg_records уонна «Биир Тэтим» бөлөх салайааччыта, кыттыылааҕа, саха итэҕэлин, Айыы үөрэҕин илдьэ сылдьар, дьоҥҥо тарҕатар Николай Новгородов-Сиэрдээх Сэһэн. — Саҥа Ырыа интрактивнай күрэс кыттыылааҕа, «Туой-Хайа» авторскай ырыа дипломана, Аркадий Алексеев иитиллээччитэ, ырыа айааччы, Рустам Хон уонна Ponsah «Алаҕар» студиятын кыттыылааҕа, сиэрдээх-туомнаах удьуор булчут бэртэ Спиридон Саввинов-Садын. — Өрөспүүбүлүкэтээҕи «Ылаа-туой уол оҕо» күрэс 3 төгүллээх Луреата, Уус-Майатааҕы ырыа күрэһин уонна «Новая Течение» күрэс муҥутуур кыайыылааҕа, «kitjah» музыкальнай бөлөҕүн «Алтан» студиятын кыттыылааҕа, элбэх ырыа ааптара, норуокка биллибит ырыалары толороооччу Павел Андреев-Олан. Сылаас салгыннаах кыһыҥҥы киэһэҕэ толору куту-сүрү кэлэр көлүөнэҕэ угуттуур айар киэһэлэрэ кэрэхсэбиллээх ырыаларынан, истиҥ кэпсээннэринэн ситэриллэн-хоторуллан истилэр.
