“КҮӨРЭГЭЙДЭЭХ АЛААСКА”

САССР үтүөлээх артыыһа, драматург Илья Иванович Находкин уонна М.С. Щепкин аат. Үрдүк театральнай училищены бүтэрбит артыыс, Чараҥнааҕы култуура дьиэтин сэбиэдиссэйэ Дмитрий Петрович Копырин төрөөбүттэрэ 100 сылларыгар “КҮӨРЭГЭЙДЭЭХ АЛААСКА” улуустааҕы тыйаатыр көрүүтэ

1. Сүрүҥ оҥкула:

1.1. Бу балаһыанньа Саха АССР үтүөлээх артыыһа, драматург Илья Иванович Находкин уонна артыыс, Чараҥнааҕы култуура дьиэтин сэбиэдиссэйэ Дмитрий Петрович Копырин төрөөбүттэрэ 100 сылларыгар анаан норуот уонна оскуола тыйаатырдарыгар, тыйаатыр түмсүүлэригэр ыытыллар «Күөрэгэйдээх алааска» улуустааҕы көрүүнү ыытыы бэрээдэгин, тускулун уонна ирдэбиллэрин быһаарар.                                                                 

1.2. Көрүү улууска тыйаатыр искүүстүбэтин сайыннарыыга, нэһилиэнньэҕэ духуобунай сыаннастары тарҕатыыга уонна И.И. Находкин, Д. П. Копырин сырдык ааттарын үйэтитиигэ туһуланар.

2. Көрүү тускула:

• Илья Иванович Находкин, Дмитрий Петрович Копырин олохторун, айар суолларын үйэтитии уонна кэлэр көлүөнэҕэ билиһиннэрии.
• Норуот уонна оскуола тыйаатырдарын, тыйаатыр түмсүүлэрин айар дьоҕурдарын арыйыы, кинилэр сыанаҕа маастарыстыбаларын үрдэтии.
• Режиссердар, артыыстар уонна айар түмсүүлэр бэйэ-бэйэлэрин кытта санаа атастаһыыларын, сатабылга үөрэниилэрин тэрийии.
• Дьоҕурдаах дьону, саҥа ааттары арыйыы уонна тыйаатыр репертуарын байытыы.

3. Тэрийээччилэр:

• Уус Алдан улууһун култууратын салалтата
• «1-кы Хоро нэһилиэгэ» тыа сирин түөлбэтэ
• Ылдьаа Нохуоккун аат. Чараҥ култууратын киинэ

4. Кыттааччылар:

• Көрүүгэ норуот уонна оскуола тыйаатырдара, улуус нэһилиэктэрин тыйаатыр түмсүүлэрэ кытталлар.
• Кыттааччылар саастарынан хааччахтамматтар.

5. Ыытыллар кэмэ уонна сирэ:

• Сайаапкалары тутуу: балаһыанньа тахсыбыт күнүттэн ахсынньы 1 күнүгэр диэри суруйтараҕыт.
• Көрүү ыытыллар кэмэ: ахсынньы 3 күнүгэр кэтэхтэн кыттааччылары көрүү, ахсынньы 4 күнүгэр сыанаҕа көрүү.
• Ыытыллар сирэ: Ылдьаа Нохуоккун аат. Чараҥ култууратын киинэ.

6. Көрүү ирдэбиллэрэ:

6.1. Тыйаатырдар, түмсүүлэр көрүүгэ И.И. Находкин суруйууларыттан, саха суруйааччыларын классическай айымньыларыттан, эбэтэр көҥүл темаҕа испэктээги (драма, комедия, мелодрама) көрдөрөллөр.

6.2. Испэктээх уһуна: 40 мүнүүтэттэн 1 чаас 20 мүнүүтэҕэ диэри буолар.

6.3.    Көрүү икки көрүҥүнэн ыытыллар:

• Кэтэхтэн: испэктээх видеотун үрдүк хаачыстыбалаахтык устан ыытыы.
• Сыанаҕа кэлэн тыыннаахтык көрдөрүү.

7. Дьүүллүүр сүбэ

• Дьүүллүүр сүбэҕэ профессиональнай тыйаатыр артыыстара, режиссердар уонна И.И. Находкин, Д.П. Копырин аймахтара киирэллэр.
• Сыаналыыр сүрүн кээмэйдэрэ:
• Режиссура уонна испэктээк уопсай тутула.
• Артыыстар сыанаҕа маастарыстыбалара, тыллара-өстөрө.
• Сыана көстүүмэ, декорацията уонна муусуканан ситэриллиитэ.
• Айымньы ис хоһооно уонна сүрүн соруга арыллыыта.

8. Кыайыылаахтары быһаарыы уонна бэлиэтээһин:

Көрүү түмүгүнэн жюри маннык номинацияларынан кыайыылаахтары быһаарар:

• Муҥутуур кыайыылаах (Гран-при)
• Лауреаттар (I, II, III степеннээх)
• Дипломаннар (I, II, III степеннээх)

Анал ааттар:

• «Бастыҥ режиссура»
• «Бастыҥ дьахтар оруола»
• «Д. П. Копырин аатынан бастыҥ эр киһи оруола» 
• «Бастыҥ иккис былааннаах оруол»
• «И.И. Находкин аатынан анал бириис»
• «Сыана бастыҥ оформлениета» (декорация, костюм)

Кыайыылаахтарга дипломнар уонна бириистэр туттарыллаллар. Бары кыттыбыттарга «Кыттыы иһин туоһу сурук» бэриллэр.

9. Сайаапка бэрээдэгэ

Кыттар туһунан сайаапканы бу 89142371084 (Екатерина Прокопьевна) эрийэн суруйтараҕыт.

Сайаапка халыыба:

1. Тыйаатыр бөлөҕүн аата (ханнык нэһилиэк, култуура дьиэтэ).
2. Салайааччы-режиссер А.А. АА., төлөпүөнэ.
3. Испэктээх аата, ааптара.
4. Кыттар артыыстар ахсааннара, оонньуур уобарастара, ааттара.
5. Техническай ирдэбиллэр (микрофон ахсаана, уот, о.д.а.).

Тэрийэр бөлөх