Балаҕан ыйын 27 күнэ – Саха Өрөспүүбүлүкэ судаарыстыбаннаһын күнүн 1-кы Хоро нэһилиэгин олохтоохторо үгэскэ киирбит Ойуунускай өйдөбүнньүгэр сибэкки дьөрбөтүн уурдулар.
Бу бэлиэ тэрээһин быйыл балаҕан ыйын 28 күнүгэр ыытылынна. Саха сирин аптаныамыйатын-судаарыстыбаннаһын төрүттээччилэриттэн биирдэстэрэ, улуу судаарыстыбаннай уонна уопсастыбаннай диэйэтэл, саха сэбиэскэй литэрэтиирэтин төрүттээччи П. А. Ойуунускай Уус Алдан улууһун Чараҥар кэлэ сылдьыбытын кэрэһэлиир өйдөбүнньүгэр буолла. 1936 сыллаахха балаҕан ыйын 10-13 күннэригэр ыытыллыбыт чаҕылхай уонна ураты суолталаах уопсастыбаннай-култуурунай тэрээһин, норуокка ааттаммытынан “Ойуунускай ыһыаҕа” буолбута 90 сыллаах дьоһун үбүлүөйэ туолла.
Үөрүүлээх тэрээһиҥҥэ нэһилиэк олохтоохторо, аҕам саастаах дьоно уонна оскуола оҕолоро кытыннылар. Кинилэр бэйэлэрин тылларыгар өрөспүүбүлүкэбит сайдыытыгар олоҕун биэрбит чулуу убайбыт үтүөтүн сырдаттылар, дойдуга бэриниилээх буолуу уонна бэйэ устуоруйатын ытыктааһын туһунан санааларын үллэһиннилэр, Б. Ойуунускай “Очуос таас уоттара” хоһоонун күргүөмүнэн аахтылар.
Аҕам саастаах дьон оҕолорго – 90 сыл анараа өттүгэр кураанах сиргэ буолбакка, үөрэх-билии, култуура сайдарын туһугар өрөспүүбүлүкэ салайааччылара уонна суруйааччылара норуоттарын кытта биир сиргэ мустан, кэскили түстээбиттэрин өрүү өйдүү сылдьалларын ыҥырдылар. П.А. Ойуунускай саха тылын, олоҥхобутун аан дойдуга таһаарбыт үтүөтүн утумнаан, ыччат бэйэтин төрүт тылынан ыраастык саҥарарын, суруйарын уонна киэн туттарын сүбэлээтилэр. Төрөөбүт Чараҥнарын сирэ историяҕа улахан суолталаах кэрэ-бэлиэ сир буоларын чиҥэтэн туран, ыччаты түмсүүлээх буоларга, үөрэххэ-үлэҕэ кынаттанан төрөөбүт нэһилиэктэрин уонна улуустарын сайыннарарга күүстэрин ууруохтаахтарын эттилэр.
_________________________
27 сентября – в День государственности Республики Саха (Якутия) – жители 1-го Хоринского наслега по традиции возложили цветы к памятнику выдающемуся общественно-политическому деятелю Платону Алексеевичу Ойунскому.
В этом году торжественное мероприятие состоялось 28 сентября. Оно прошло у мемориала, увековечившего пребывание в селе Чаранг Усть-Алданского улуса П. А. Ойунского – одного из основателей автономии и государственности Якутии, государственного и общественного деятеля, основоположника якутской советской литературы. Нынешнее событие ознаменовано 90-летним юбилеем яркого и исторически значимого общественно-культурного мероприятия – знаменитого в народе «Ысыаха Ойунского», который проходил в этих местах с 10 по 13 сентября 1936 года
